Helburua

· v-t grafikoa emanik, desplazamendua (azalera) eta azelerazioa (malda) era grafikoan kalkulatzen jakin

Aurretik jakin beharreko kontzeptuak

· Abiaduraren definizioa
· Malda eta azaleraren kalkulua

Erabiliko den softwarea

· Walter Fendt programa-multzoaren barnean (Java applet-ak), "Motion with Constant Acceleration" programa.

Hona hemen programaren irudi bat:

Programa martxan jartzeko, urrats hauek jarraitu:

· Software karpetatik abiatuz, aukera hauek hartu: Fisika/ Walter Fendt/ P11e0105/ phe
· "phe" karpeta horretan, "phe.htm" fitxategia martxan jarri, klik bitan eginez.

Hona hemen programaren erabilpenaren informazioa:

· Java applet honek azelerazio konstantez higitzen den kotxe bat simulatzen du. Eskuineko kontrolak, hasierako posizioa, hasierako abiadura eta azelerazioa aldatzen uzten du (Intro tekla sakatuz). "Slow motion" higidura motelago adierazten du.
· Hiru erloju digitalak daude, kotxea pasatzean geratzen direnak. Posizioaren barrerak arrastatuz aldatzen dira.
· Grafiko hauek adierazten dira:
o x-t grafikoa, v-t grafikoa, a-t grafikoa
Informazioa eta aktibitateak
INFORMAZIOA:

Azelerazioa, v-t grafikoaren malda

Azelerazioa, segunduko ematen den abiaduraren aldaketa denez, eta hori v-t grafikoan ematen den zuzenaren malda denez, zera esan dezakegu:v-t grafikoaren malda, irudikatutako higiduraren azelerazioa da.

1. AKTIBITATEA

Grafikoa kontutan harturik, higiduraren azelerazioa kalkulatu eta simulazioan higidura hori lortzen saiatu.Grafikoaren puntu adierazgarrienak hauek dira: (0,0) eta (10,10)

2. AKTIBITATEA

Grafikoa kontutan harturik, higiduraren azelerazioa kalkulatu eta simulazioan higidura hori lortzen saiatu.

Grafikoaren puntu adierazgarrienak hauek dira: (0,5) eta (10,25)Zein da hasierako abiadura?

3. AKTIBITATEA

Grafikoa kontutan harturik, higiduraren azelerazioa kalkulatu eta simulazioan higidura hori lortzen saiatu.

Grafikoaren puntu adierazgarrienak hauek dira: (0,10) eta (5,0)Zein da hasierako abiadura?

INFORMAZIOA: Desplazamendua, v-t grafikoaren azalera.

Higiduran ematen den desplazamendua, v-t grafikoaren azalera da; azalera hori lauki + hiruki baten azalera gisa kalkula daiteke.

4. AKTIBITATEA

Kalkulatu lehen 10 segundotan higikariak izandako desplazamendua.

Hasierako posizioa, +5m balitz, non egongo litzateke 10 segundu horiek pasa ondoren?

Kalkuluak egin ondoren, simulazioa egin, emaitzak frogatzeko.

5. AKTIBITATEA

Kalkulatu lehen 10 segundotan higikariak izandako desplazamendua.

Hasierako abiadura 5 m/s-koa da eta azelerazioa 2 m/s2.

Hasierako posizioa, +5m balitz, non egongo litzateke 10 segundu horiek pasa ondoren?

Kalkuluak egin ondoren, simulazioa egin, emaitzak frogatzeko