Lotura eta molekulen polaritatea: ariketak
23. Azal ezazu zergatik HCl molekula polarra den eta kloro molekula, ostera, ez.
24. Ordena itzazu ondoko loturak polaritate hazkorraren arabera, elementuen elektronegatibitatea kontuan hartuz: P-S, P-Cl, Si-F, K-F, I-I, C-I. Lotura bakoitza ioniko, nahiko ioniko, zerbait ioniko edo kobalente huts moduan kalifikatu.
25. Bigarren periodoko elementu bakoitzarekin fluoroak eratzen dituen loturak kontsideratu: Li-F, Be-F, B-F, C-F, N-F, O-F, F-F. Bakoitzaren elektronegatibitate-diferentzia determinatu. Lotura horien izaera ioniko, oso ioniko, zerbait ioniko edo kobalente huts moduan kalifikatu. Aldaketa erregularrik behatzen baduzu, azal ezazu.
26. Ondoko elementu neutroen konfigurazio elektronikoak emanda, konposatu posibleen formulak deskribatu eta lotura-mota nagusiak adierazi, ondoko eran konbinatzen direnean: a) AC b) BD
27. Ordena itzazu ondoko molekulak, loturaren polaritatearen ordena hazkorraren arabera: BrCl, Br2, BrF, BrI.
28. BeH2 molekulak bi lotura polarizatu ditu baina ez da dipolo molekularra. Molekula eta momentu dipolarrak irudikatu. Azaldu zergatik ez den dipolo bat.
29. Ordena itzazu ondoko molekulak, polaritate hazkorraren arabera: H2Se, H2S, H2O, H2Te. Momentu dipolarrak irudikatu.
30. Ondoko molekula bakoitzean momentu dipolarrik egongo den ala ez arrazoitu. Momentu dipolarrak irudikatu: IBr, BF3 (triangeluar laua), CH2Cl2 (tetraedrikoa), CH4 (tetraedrikoa).
31. Ondoko molekula bakoitzean forma geometrikoa arrazoitu: SO2, SO3, S2C, HCN. Momentu dipolar erresultanterik duten ala ez arrazoitu. Egonez gero, adieraz ezazu.