Kontuan hartzeko zenbait faktore

Aurretik egindako material hau erabil daiteke arbel elektronikoaren bidez, kontzeptuak azaltzeko. Klaseak ahal den eraginkorrenak izateko, komeni da puntu hauek kontuan izatea:

• Softwarea. Arbel elektronikoaren softwarea (Interwrite esate baterako) ez da baliabideen zikloan (baliabideak sortzea eta erabiltzea) erabiltzen den software bakarra. Grafikoan ikusten denez, baliabideak sortzeko software-mota asko erabiltzen da; arbel elektronikoaren softwareak egiten duen gauza bakarra hauxe da: baliabide horien instant bat hartu eta bertan oharrak jartzen utzi. Jarraian, instant hori eta gehitutako notak fitxategi grafikoan gorde daiteke.
  
  Ikusi irudia
  
  
• Metodologia. Klase tradizionalaren metodologia aldatzea komeni da. Hona hemen hausnarketarako zenbait puntu:
  
  
  • Metodo sokratikoa interesgarria izan daiteke. Hau da, ikasleei galdetzea honelako galderak:
    • zer gertatuko da jarraian?
    • zer gertatuko da y-rekin x aldagaiaren balioa handitzen bada?
      
      
  • Ikasleen lana. Teknologia berriekin ematen diren klaseetan sortzen den galdera bat hauxe da: zer egiten dute ikasleek bitartean? Oso zaila da ikasleak egotea ezer idatzi gabe eta erne eta kontzentrazio osoz jarraitzea klasean ematen diren azalpen guztiak. Azken honek oso heldutasun handia eskatzen baitu. Komeni da, beraz, klasean ikasleek zer egin behar duten planifikatzea.
    
    
  • Arbel elektronikoa versus ordenadoreak. Eman dezagun arbel elektronikoaren ordez ikasleek informazioa ordenadorean ikusten dutela. Honen efektua hauxe litzateke: bakoitzak bere erritmoz eta berak dekodifikatutako informazioa dela medio ikasiko luke. Aldiz, arbel elektronikoaren bidez irakasleak ematen baditu azalpenak, irakasleak berak bideratuko du eta hautatuko du informazioa azalpenak eraginkorragoak eta azkarragoak izateko.

 

• Baliabideak. Teknologia berrien bidez emandako azalpenak eta erakutsitako baliabideak bertan amaitzen badira, arazo bat sortzen da: nola gogoratuko dute ikasleek klasean emandakoa (errepasatzean, adibidez)? Hori dela eta, multimedia baliabide horien baliokide den material idatzia ikasleei ematea komenigarria izan daiteke.
  
  
  • Baliabideak egitea eta argitaratzea esfortzu handia eskatzen du, baina behin eginez gero urtetik urtera metatzen joan daitezke eta azkenerako material dexente eduki daiteke. Kolaborazioan egiten bada, errazago eta azkarrago osa daiteke curriculum osorako materiala.

  Interesgarria izan daiteke, adibidez, aurreko urtetan eginiko azterketak eta azterketa horien ebazpenak metatzea. Baliagarria izan daiteke ikasleentzat bereziki, egin behar duten azterketa bat prestatzeko.

• Denboralizazioa. Klaserako materiala prest badago, klaseak (eta edukiak) ematean denbora aurreztu daiteke.